حمّل التطبيق دخول العيادات

انت بتكشف،
والعيادة بتمشي لوحدها.

الحجز والدور والروشتة والحسابات وشاشة الصالة، في تطبيق واحد بالعربي. انت ركّز مع المريض، والباقي عليه.

الكود ببلاش · التجهيز بسيط ومعاك دليل · جاهز لـ ١٨ تخصص

أشطر عيادة بتخسر من غير ما تاخد بالها.

الصالة متوترة

«الدور على مين؟» كل خمس دقايق.

التليفون مش بيبطّل

والممرضة بين المكالمات والمرضى.

مرضى بيضيعوا

حاجز وما جاش، وإعادة اتنسيت.

الحسابات في دفتر

وآخر اليوم مش متأكد من حاجة.

الصالة

صالة هادية، ومريض مرتاح.

الشاشة بتنادي بالرقم بصوت واضح، وبين النداء والتاني نصايح لتخصصك أو فيديوهاتك. ولو اتأخرت، الصالة كلها عارفة.

والمريض يقدر يتابع دوره من موبايله ويستنى برا.

شاشة الصالة بتنادي بالرقم وبتعرض رسالة الدكتور
المواعيد

مواعيد مليانة، من غير مكالمات.

المريض يحجز من رابطك في أي وقت، وبيوصله تذكير على واتساب قبل ميعاده وقبل الإعادة.

صفحة الحجز اللي بيشوفها المريض
تذكير المرضى على واتساب

مريض بيرجع = فلوس بترجع

٣مرضى رجعوا في الأسبوع×١٥٠جنيه سعر الكشف×٤أسابيع=١٬٨٠٠جنيه في الشهر

حط أرقام عيادتك انت، وشوف الفرق.

الكشف

كشف أسرع، وروشتة باسمك.

روشتات جاهزة، والجرعة بلمسة، وتنبيه لو المريض عنده حساسية. والروشتة توصل واتساب المريض بشعارك.

اختيار الجرعة بلمسة
الروشتة باسم الدكتور
الإدارة

انت شايف كل حاجة، حتى وانت برا.

الممرضة بتسجّل الضغط والحرارة والوزن قبل ما المريض يدخل. الخصومات بإيدك انت بس، والخزنة وملخص اليوم على موبايلك كل ليلة.

الممرضة بتسجّل القياسات

معمول لتخصصك.

كارت التطعيمات
أطفال: كارت التطعيمات بمواعيده
خريطة الأسنان
أسنان: خريطة السنان
مقاس النظارة
عيون: مقاس النضارة
أنف وأذن وحنجرةأسنانأطفالباطنةنسا وتوليدجلديةعيونعظامصدرقلبمخ وأعصابمسالكجراحة عامةنفسيعلاج طبيعيتغذية علاجيةتخاطبممارس عام

أسئلة بتتسأل كتير.

أنا مش بتاع تكنولوجيا

مش محتاج تكون. كل حاجة بالعربي وبزراير واضحة، ومعاك دليل بالصور.

الممرضة هتعرف تستخدمه؟

بتتعلمه في يوم. والحاجات الحساسة زي الخصم بإيدك انت بس.

عندي مرضى على ورق أو Excel

التطبيق بينقلهم، والكروت الورق بيقراها من صورتها.

النت عندي بيقطع

بيكمّل شغل عادي، وأول ما النت يرجع كل حاجة بتتحدّث.

الشاشة محتاجة إيه؟

تلفزيون ومعاه موبايل أو تابلت أندرويد أو TV Box.

لو ما عجبنيش؟

جرّب الأول بكل المزايا، وقرر بعدين.

اختار على قد عيادتك.

أساسية

عيادة بتبدأ
  • الدور والحجز
  • الكشف والروشتة
  • تذكير المرضى
  • الخزنة

احترافية

عيادة شغالة أو أكتر من فرع
  • كل الأساسية
  • الحجز أونلاين والـ QR
  • متابعة الدور من الموبايل
  • نداء الممرضة وأكتر من عيادة

ذكية

الأكتر طلباً
  • كل الاحترافية
  • شاشة الصالة بالصوت
  • إملاء الكشف بالصوت
  • مساعد الكشف الذكي

عندك اشتراك؟ شغّله على أجهزتك.

أندرويد

موبايل أو تابلت أو TV Box. نزّل التطبيق واضغط «تثبيت».

الكمبيوتر

افتح kashfeg.com/app في Chrome، واضغط «ثبّت «كشف» على الجهاز ده».

افتح التطبيق

المريض اللي اتعامل باحترام بيرجع، وبيجيب غيره.